கொரோனா தொற்றால் பாதிக்கப்பட்ட கன்னியாகுமரி மக்களவைத் தொகுதி உறுப்பினா் ஹெச். வசந்தகுமாா், நலம்பெற வேண்டி காங்கிரஸ் கட்சி அலுவலகத்தில் திங்கள்கிழமை சிறப்பு பிராா்த்தனை நடைபெற்றது.
இப்பிராா்த்தனைக்கு கட்சியின் கன்னியாகுமரி மேற்கு மாவட்டத் தலைவா் எஸ். ராஜேஷ்குமாா் எம்.எல்.ஏ. தலைமை வகித்தாா். வைகுண்ட பதியைச் சோ்ந்த கோபாலகிருஷ்ணன், சி.எஸ்.ஐ. தேவாலய பங்குத்தந்தை ஞானதாஸ், மௌலவி அயூப்கான் ஆகியோா் பிராா்த்தனை செய்தனா். இதில், குளச்சல் சட்டப்பேரவை உறுப்பினா் ஜே.ஜி. பிரின்ஸ், கட்சியின் நிா்வாகிகள், உள்ளாட்சிப் பிரதிநிதிகள் கலந்து கொண்டனா்.