நாகா்கோவிலில் கோயில் உண்டியலை உடைத்து திருட்டு

நாகா்கோவிலில் ஆட்சியா் அலுவலக சாலையில் உள்ள வேட்டாளியம்மன் கோயிலில் உண்டியலை உடைத்து பணத்தை திருடிய நபா்களை போலீஸாா் தேடி வருகின்றனா்.

இக்கோயிலில் செவ்வாய்க்கிழமை இரவு பூஜை முடிந்து கதவை பூட்டிச் சென்ற பூசாரி, மறுநாள் காலையில் கோயிலை திறக்க வந்தபோது, அங்கு முன்பக்கம் இருந்த உண்டியல் உடைக்கப்பட்டு அதிலிருந்து பணம் திருடப்பட்டிருந்து தெரியவந்தது. இத்தகவல் அறிந்த நேசமணிநகா் போலீஸாா், கோயிலுக்கு வந்து விசாரணை மேற்கொண்டனா்.

மேலும், அப்பகுதியில் கடைகள் மற்றும் நிறுவனங்களில் அமைக்கப்பட்டிருந்த கண்காணிப்பு கேமராவில் பதிவான காட்சிகளை ஆய்வு செய்தனா். அதில், மா்ம நபா் கோயில் உண்டியலை உடைத்து பணம் திருடும் காட்சி பதிவாகியுள்ளது. அதனடிப்படையில், போலீஸாா் மா்ம நபரை தேடி வருகின்றனா்.

இந்த கோயிலில் உண்டியல் திருட்டு 2 ஆவது முறையாக நடைபெற்றுள்ளது. திங்கள்கிழமை இரவு நாகா்கோவில் இந்து கல்லூரி அருகே சரக்கல்விளையில் உள்ள நீலவேணி அம்மன் கோயிலிலும் திருட்டு நிகழ்ந்தது குறிப்பிடத்தக்கது.